مصطفى حسنى يوضح فى "نفوس" إزاي اللي عايش بالوهم نفسه غائبة عن ربنا

واصل الداعية الإسلامى مصطفى حسنى، خلال برنامجه "نفوس" فى الحلقة الـ 11 له خلال شهر رمضان على شاشة قناة on، الحديث عن الـ 11 نفس فى قصة سيدنا يوسف وإخوته.

وقال مصطفى حسنى:" اللى عايش بالوهم نفسه غائبة عن ربنا، حيث قال تعالى فى سورة يوسف:" مَا تَعْبُدُونَ مِن دُونِهِ إِلَّا أَسْمَاءً سَمَّيْتُمُوهَا أَنتُمْ وَآبَاؤُكُم مَّا أَنزَلَ اللَّهُ بِهَا مِن سُلْطَانٍ"، يعنى ذلك ان انت اللى بتدى للأشياء اسم ومعنى، وانت اللى بتسلم الاسم والمعنى من الأشياء.

ولفت مصطفى حسنى إلى أن دخلة سيجارة الحشيش فى حياة بنى آدم هو اداها اسم انها من حقى، وهرفع عن نفسى شوية أنا بشتغل كتير أو أنا زعلان أو أو الناس كلها بتعمل كده أو تريح عقلى وتشيل عنى المسؤليات اللى انا فيها، لكن كل دى مسميات ما تعبدون من دونه إلا أسماء سميتموها أنتم وآبائكم ما أنزل الله بها من حجة".

تابع مصطفى حسنى:" انت لو ملتزم فى مواعيدك وكلمتك وبتشتغل بأقصى جهدك، فانت إنسان محترم".