أكد الفنان خالد سرحان، أن انتقاده لحلا شيحة ليس انتقادا لشخصها ولكن انتقاد على تصريحات تحريم الفن، قائلا: "حلا اعتبرها أختي وهي رجعت الفن وأنا كنت متأكد إنها هترجع وفكرة انك تقعد تروج إن الفن حرام مرفوضة والفن ضمير الأمة".
ووجه خالد سرحان، خلال حواره ببرنامج "حبر سري"، مع الإعلامية أسما ابراهيم، المذاع على قناتى سي بي سي والقاهرة والناس، رسالة في هذا الإطار قائلا: "أنت ممكن تكون معترض على حاجة ده حقك وأعمال معينة ده حقك إنما الفن ده احنا ورثناه عن أجدادنا، ومصر تانى دولة في العالم دخل فيها الفن".
وتابع: "احنا أول ناس عملنا الشريط السينمائي وورثنا الفن من زمان ودي حاجة تعمل دخل قومي للبلد ومفيدة إنسانيا والفن شيء روحاى، واللي مش عاجبه حاجة ميشوفهاش لكن حلا أختى وأنا متأكد إنها ندمت على تصريحات الفن حرام لأنها رجعت تاني".
