ليه مى عز الدين طلبت الجواز من آسر ياسين فى مسلسل قلبى ومفتاحه.. فيديو

بث تليفزيون اليوم السابع فيديو للزميلة شريهان نجدى استعرضت فيه تفاصيل مسلسل قلبى ومفتاحه ، حيث فاجأت مى عز الدين كل المشاهدين في برومو مسلسل قلبي ومفتاحه الذى يعرض في رمضان هذا العام عندما قالت لآسر ياسين تتجوزني!؟ وهو رد عليها ووافق من غير تفكير فيا ترى حكاية الاتنين إيه؟.

‎مي عز الدين وآسر ياسين هيعملوا حكاية رومانسية السنة دي والكل مستنيها حتى قبل ما المسلسل يتعرض وتعالوا أقول لكم قصتهم.

‎مي عز الدين عاملة دور واحدة اسمها ميار مطلقة من جوزها 3 مرات فبتقابل آسر ياسين اللى عامل دور عزت وبيشتغل سواق أوبر وخلال توصيله اتشد الاتنين لبعض، وحصل تفاصيل كدا خلتهم يتكلموا حتى بعد ما الرحلة خلصت.

‎مي عز الدين فكرت إن تعرض على آسر ياسين إنه يتجوزها ويكون محلل شرعي على أساس ترجع لجوزها مرة تانية، وهنشوف بعد كدا إيه اللى حصل للاتنين.

‎المسلسل بيخرجه تامر محسن ودا من المخرجين اللى المتميزين على الساحة واللى عمل قبل كدا مسلسلات عملت نجاح وصدى كبير زى بدون ذكر أسماء وتحت السيطرة وهذا المساء ولعبة نيوتن ودا هيخلي الجمهور مستنى قلبي ومفتاحه في رمضان السنة دي كمان.