هشام طلعت مصطفى: "أهل قطاع غزة هيختاروا الفصيل اللى يحقق الاستقرار"

أكد رجل الأعمال هشام طلعت مصطفى، الرئيس التنفيذي والعضو المنتدب لمجموعة طلعت مصطفى القابضة، أن أهل قطاع غزة سوف يختارون الفصيل الذي يحقق الاستقرار خاصة فى ظل الظروف الصعبة الحالية، متابعا: "لو قدمت الموضوع بوضوح وعدالة وقلت له هعمل لك كذا وعملت انتخابات حقيقية في هذا المكان، هيتاخد الفصيل اللي هيحقق الاستقرار، أكيد هيعمل كده".

وأضاف خلال حواره فى برنامج "الحكاية" الذي يقدمه الإعلامي عمرو أديب: "لما مريت في مصر بتجربة ما، المجتمع عمل ايه؟ عمل رفض كامل لهذا الفصيل، لأنه شاف استقراره وحياته واقتصاده وأمانه في البديل اللي جه.. دا طبيعة الشعوب في العالم، لو خلقت هذا الكلام بنوع من أنواع المنطقية وبعدالة، أكيد الإفراز هيجي لصالح الاستقرار.

وتابع: "20% من العائلات فقدت أهلها فيها، ومش هيكرر التجربة المريرة تاني، هو عاوز استقرار، اديله الأمل والآلية هيبقى في استقرار".

وأكمل هشام طلعت مصطفى: "لما يبقى الإنسان الفلسطيني الغزاوي لقى هذا الكلام، ولقى فيه أريحية واستقرار وهدوء هيعمل ايه؟ هيحارب أي بديل أخر حتى لو داخلي عنده عشان يحافظ على هذا الاستقرار".