عمرو أديب: رسالة مصر لأمريكا وإسرائيل واضحة جدا "لا للتهجير"

أكد الإعلامي عمرو أديب أنه يدعم زيارة الرئيس عبد الفتاح السيسي إلى الولايات المتحدة، قائلا: "نعم يذهب الرئيس وكلنا معه.. واكتشفوا من اللحظة الأولى، وكان في ناس عندها أمل إنه يكون في اتفاق".

وأضاف خلال برنامج "الحكاية": "نحن لسنا للبيع، على فكرة في دول تانية التلات أسابيع دول قاموا بتغيير مواقفهم عشان عندهم مشاكل.. والرسالة اللي بعتتها مصر لأمريكا وإسرائيل، إذا كانت خسارتي تساوي، اتفضل، لو عاوزين تخسروا مصر اتفضل، مصر مستعدة.

وتابع عمرو أديب: "لماذا كنا نبني دائما الجيش، لأنك في منطقة ما بيتفهمش فيها غير كلمة الجيش، حتى الدول اللي فيها مآسي، القوى المسلحة داخلها هي اللي بتحسم الأمور.. وأنت رايح تقول لا، مش تقبل وتبيع.. وكنت كل شوية أقول ياريس كل شوية بتقولنا نحن ضد التهجير ليه.

وأكمل: "في الأمم المتحدة حصل سجال، طلع السفير الإسرائيلي قال ايه يا جماعة المصريين بيرصوا سلاح، اترد عليه الدول الكبرى تحتاج جيش كبير، عندك سفير يعرف يخرص أي حد.. لازم تفهم يعني إيه جيش، الجيش في مصر مش اختيار، الجيش في مصر إجبار، وإحنا دولة فيها خدمة عسكرية وكلنا دخلنا الجيش، مش دق طبول حرب، ولكن ليفهم من لا يفهم".