سوسن بدر: دايما بقول تسلمى يا شدة.. وفضلت الفن على حساب حبى

قالت الفنانة سوسن بدر: "طول الوقت بقول تسلمى يا شدة، والجمهور العادى متخيل إن الفنان مش بنى آدم، وفى حتة تانية وحاجة مختلفة، لكن فى النهاية احنا بنى آدمين، بنمر بلحظات وجع وفقد بالموت والخيانة وساعات فلس، أو العمل وانا مجبرة".

وأضافت سوسن بدر خلال حلوله ضيفة ببرنامج "الستات مايعرفوش يكدبوا" المذاع على قناة سى بى سى، أن كل شئ فى الدنيا له ثمن، وكل حاجة نصيب ومكتوبة عند ربنا، وبسبب شغلى منكش متوفر ليا أنى أعمل بيت مستقر وعيلة وحياة زى أى ست فى أى مهنة تانية".

أكدت سوسن بدر:"كنت بحب شغلى بدرجة كبيرة، والتوازن ده يحتاج لطرف تانى مستوعب، وفضلت الفن على حساب حبى، لأنى مكنتش لاقية الطرف التانى اللى يكون متفهم طبيعة عملى".

تابعت سوسن بدر:" انا حابة شعرى وهو ابيض واللى بيحبنى بيحبنى لشخصى مش لشكلى، وحبيت نفسى من عشرين سنة حتى اليوم وراضية عنه".