فيسبوك
واتساب
قدم تليفزيون اليوم السابع فيديو يرصد أرخص 3 أماكن لشراء زينة رمضان، مع اقتراب حلول شهر رمضان المعظم، تحل السعادة والبركات على الجميع، فكلنا فى مصر نسيج واحد مسلم ومسيحى نحتفل ببهجة وفرحة هذا الشهر العظيم، الكل ينتظر هذا الشهر ليعيش لحظة تعليق الزينة.
فتجد محمد يقصقص الزينة ومينا واقفا على السلم يعلقها، بالتأكيد هذا الفيديو هيفيدك افادة كبيرة فهو ملخص لأشهر الأماكن التي تبيع زينة رمضان باشكالها المختلفة .
ومن أشهر هذه الأماكن:-
1- درب البرابرة هتلاقى المحلات القديمة اللي بقالها سنين بتبيع الزينة، من أول الفوانيس الصغيرة اللى بتنور، لحد الفوانيس النحاس اللى بتتوارثها العائلات جيل بعد جيل.. والأسعار؟ ممكن تلاقى حاجات تبدأ من 10 جنيه، لحد فوانيس توصل لأكتر من 500 جنية.. حسب الحجم والخامة!.
2- حارة اليهود، هنا الأسعار متقاربة جدًا، لكن اللى بيميزها إنك ممكن تشترى بالجملة، يعنى لو بتجهز زينة لشارع كامل أو لمحل، ده هيكون المكان المناسب ليك! وكمان هتلاقى حاجات مش موجودة فى أى مكان تانى، بأشكال جديدة وإضاءات مختلفة، حتى الزينة الإسلامية والخيامية بتلاقيها بأسعار تنافسية جدًا.
3- الأختراع الأخير شارع النزهة اللى بيجمع بين الحاجتين.. فيه محلات أسعارها قريبة من الجملة، وفيه محلات تانية بتبيع حاجات بجودة أعلى شوية.. يعني لو بتدور على حاجة تعيش معاك سنين، هنا هتلاقيها!.
