زوجة أحمد زيزو: أنا زملكاوية وبغير عليه واتخضيت من الشهرة والمعجبات

اطمأنت الإعلامية والفنانة إسعاد يونس، على صحة هدى زوجة أحمد سيد زيزو، لاعب فريق الزمالك، والمنتخب القومى، بعد أن علمت من زيزو أنها مصابة بدور برد.

وقالت هدى خلال مداخلة هاتفية ببرنامج "صاحبة السعادة" الذى تقدمه الفنانة والإعلامية إسعاد يونس، على قناة dmc، عندى دور برد، والحمد لله على كل حال، لافتة إلى أنها مشفتش أحمد زيزو قبل الخطوبة غير لما جه عندنا البيت واتقدملى، واعجبت بيه بس مش حب، ومع الوقت حبيت فيه انه عارف يخلينى أحبه".

تابعت هدى:" اتخضيت من الشهرة والمعجبات، وبعد كتب الكتاب لما كنت بشوف اللى بيصوره كنت بتضايق حسيت أنه بيتاخد منى، ومع مرور الوقت حبيت الموضوع وفرحت بيه، وكان أول مرة غرت عليه كنت حامل فى بنتى "ايله" وشفت وقتها معجبة بتتصور معاه، فقلت له هو انت بتتصور عادى وانا مش موجودة؟ فقالى مش كتير".

ولفتت هدى إلى أن سيد زيزو كل ما يريد أنه يفعله هو التركيز مع الفريق، وانا زملكاوية وحافظة أغانى الفريق".