عجمى يطرح أغنيته الجديدة «ولما يغيب».. فيديو

 طرح المطرب الشاب عجمي أغنيته الجديدة، "ولما يغيب" من كلمات أحمد عبد العزيز وألحان ياسر القاضي وتوزيع وماستر هشام محمد.

تقول كلماتها

نفسياً مش متحمل فكرة إن الجاي فُراق
وإن ماينفعش نكمل وعملنا اللي قدرنا عليه
أنا مش قادر أتخيل إزاى هقدر ع الأشواق
كل اما الليل ه يليل وأسهر وحدي بفكر فيه

ولما يغيب
لمين هشكي أنا همومي
وأحزانى وروتين يومى
ومين على قلبي هيطبب ويحضني

أنا لو أسيب
أسيب الدنيا ولا أسيبه
دي ميزة قلبى ودة عيبه
هيرفض بُعده وهيفضل مخاصمني

أنا أصلى عملت حسابه إنه معايا طول عمري الجاي
وعليه قلبي قفل بابه وعن كل الدنيا استغنيت
لو يختار هو غيابه أنا هقدر على بعده إزاى
هفضل عايش فى عذابه عشان من قلبى أنا حبيت

وتأتي أغنية "ولما يغيب" بعد النجاح الذي حققته أغنية "يوم فراقنا" والتي تخطت المليون مشاهدة فور طرحها، وهى من كلمات أحمد عبد العزيز وألحان ياسر القاضي وتوزيع وماستر شريف قاسم.