علاء نبيل: خروجى من اتحاد الكرة كان شيك جدا ولا علاقة لى بالمنتخب الأول

علق علاء نبيل المدير الفني السابق لاتحاد الكرة، على قرار عدم تجديده تعاقده مع الجبلاية موجهاً الشكر للمسئولين على طريقة رحيله،لافتاً إلى أنه قدم ما عليه خلال فترة عمله،ولم يقصر في المهمة التي كان مكلف بها.

لمتابعة أخبار بطولة كأس أمم أفريقيا 2025 عبر بوابة كأس أمم أفريقيا اضغط هنا

علاء نبيل يوجه الشكر لاتحاد الكرة

أضاف نبيل خلال تصريحات إذاعية لـ "أون سبورت إف إم" :"أنا بشكر الاتحاد على البيان المحترم اللي نزلوه، والبيان بيوضح إن العلاقة قوية ومش لازم نخرج بخناقة، لكن هو طلع بطريقة شيك جدًا وأهم حاجة فيه إنه ذكر المجهود اللي حصل في الفترة الماضية".

تابع:"المدير الفني للاتحاد مالهوش دعوة خالص بالمنتخب الأول سواء اللي راح المغرب أو اللي راح قطر، الموضوع ده خاص بمجلس الإدارة عشان الناس مش واصلها المعلومة دي،وصول منتخبات الناشئين والشباب لكأس العالم ده إنجاز، طيب لو ماكانوش وصلوا لكأس العالم كان حصل إيه".

علاء نبيل: أنا اهتميت بتطوير المدرب المصري

وواصل:"الرخص التدريبية اللي اتعملت كانت موقوفة، وشوف كام مدرب عملها لما عادت من جديد، وده حصل بعد ما تواصلت مع الاتحاد الإفريقي.. أنا اهتميت بتطوير المدرب المصري وتدريبه، فـ ماينفعش الحاجات دي تتنسي عشان نتيجة مباراة".

وأكمل:"أنا ليس لي أي دخل بكل ما يخص المنتخب الأول، ودي لوائح من الفيفا، لكن ليا دخل في منتخبات الناشئين والشباب والأولمبى فقط، والدليل أنني لم أحضر أي فعاليات تخص المنتخب الأول".

واختتم :"أنا راضٍ تمامًا بكل ما قدمته خلال عملى فى منصب المدير الفنى لاتحاد الكرة، وتعيين شخص آخر بعدى هذا أمر يخص الاتحاد، لكن هناك كشف حساب لما قدمته خلال عامين، فى اتحاد ا لكرة".