كريم عفيفى: بنشجع ليفربول علشان صلاح ومنتظر نروح حتة بعيدة فى المونديال

أكد الفنان كريم عفيفى، أن محمد صلاح نجم ليفربول الإنجليزى، السبب في مشاهدة الكرة العالمية وتشجيع ليفربول، وأنه منتظر من منتخب مصر أن نذهب بعيدا في كأس العالم ونصل لمكان لم نحلم به من قبل.

وقال كريم عفيفى، خلال حواره في الاستوديو التحليلى لقناة أون سبورت: "قبل محمد صلاح مكنتش بتفرج على الكرة العالمية.. وبعد ما راح صلاح بقيت أشجع ليفربول ومنتخب مصر، بس مش بتفرج خالص على الفرق أصلا".

وأضاف كريم عفيفى: "بقيت متابع كل مباريات محمد صلاح ولسه كنت بقول لواحد صاحبى أن بعد رحيل محمد صلاح عن ليفربول مش هنشجعه علشان إحنا بنشجعه علشان صلاح بس".

وتابع نجم مسرح مصر: "منتظر من المنتخب بقيادة حسام حسن ومحمد صلاح إننا نوصل لمكان في كأس العالم مكناش نحلم بيه، وكلنا وراء المنتخب وسعداء بهذا الإنجاز بقيادة حسام حسن".

واختتم: "محمد صلاح ممكن يمثل، وكمان مصطفى محمد لو اتوظف في مكان صح هيعمل حاجة مختلفة وهيموت الناس من الضحك، لأنه حاسه مختلف".