أيمن بهجت قمر: الفنانة شادية وسهير البابلى كانوا بيتريقوا عليا علشان كنت تخين

استضافت الفنانة والإعلامية إسعاد يونس فى برنامجها "صاحبة السعادة" الذى تقدمه على قناة "dmc"، الشاعر الغنائى والسيناريست أيمن بهجت قمر وابنيه بهجت وأدهم وذلك فى حلقة اليوم الأحد.

وقال أيمن بهجت قمر:" والدى كان هو حياتى، ورغم وفاته حاسس إنه عايش معايا وروحه فى كل مكان وبكمل له حاجات، وبقول دايما انا بواقى بهجت قمر، وتربيت فى بيته وده أفادنى كتير، وهو النفس اللى عايش بيه، ومازال كل حاجة".

وأضاف أيمن بهجت قمر:"والدى كان بيراقبنى فى المذاكرة لأن درجاتى مكنتش حلوة، وكان مصاحبنى وبيدينى شغل وبياخد رأيى فيه، وكأنه بيجهزنى بشكل غير مباشر.

وأكد إيمن بهجت قمر، أن الفنانة شادية وسهير البابلى كانوا بيتريقوا عليا علشان كنت تخين وكانوا يقولولى إيه كانوا بيرضعوك بطيخ؟!".

تابع :"كنت بعرف أرسم وأصمم ماكتيات بالدبابيس، وكنت أقوم بتأليف المسرحيات فى المدرسة، وألعب أورج، كما لعبت على أورج الملحن بليغ حمدى، وكتبت شعر  فى ذكرى والدى الأربعين، وكان عمرى 15 سنة، وبعدها كتبت أشعار كتير، ولو لقيت حد كان يستغل أبويا أو ممثلة عينها منه وهما فى البيت عندنا كنت بطفشهم من البيت، وارخم عليهم"