آدم الألفى يتحدث عن أمير عيد قبل حفلهم في مهرجان العلمين الجديدة

ينتظر جمهور فريق كايروكي، حفلهم الغنائى في مهرجان العلمين الجديدة  الجمعة، 23 أغسطس والجميع في حالة حماس وانتظار الاستمتاع بأغانى فريقهم المفضل.

وحل آدم الألفى أحد أعضاء الباند، في لقاء خاص على تليفزيون "اليوم السابع" ، وتحدث وقتها عن علاقته بعشرة عمره أصدقائه في فريق كايروكى، وهم أمير عيد وتامر هاشم وشريف وهوارى وعلاقتهم هما الخمسة مع بعض، وعن المواقف الكوميدية التي يتعرضون لها على المسرح وقت الحفلات.

وقال آدم: "أمير عيد بالنسبة ليا عنده رؤية وجريء وأقوله ريح دماغك من الشغل الكتير، تامر هاشم عفوى جدًا وعاوز يبقى أهدى شويه، هوارى فنان وشريف متوازن وعارف بيعمل إيه".

وأضاف آدم في حديثه: "لو لم يوجد فريق كايروكى كنا هنفضل صحاب ودى حاجة بتربطنا من أكتر أي حاجة، كايروكى بالنسبة ليا عيلة وليس شغل وشهرة وفلوس هما سند في الحياة وعيلتى الثانية، ومعتقدتش أن إحنا في يوم من الأيام الفريق ممكن ينفصل إحنا هنكبر مع بعض وممكن نفضل نعزف سوا لحد سن السبعين لأن ده اللى بنحب نعمله وده اللى بيسعدنا أن إحنا  نعمل مزيكا مع بعض وأعتقد خلاص السنين عديت وبقينا بنعرف نتعامل ونفهم بعض وبقى لا يوجد مشاكل، وممكن نعمل فيلم عن رحلة صعود الفريق في يوم من الأيام، وبتمنى أن فريق كايروكى يبقى عند حسن ظن الجمهور اللى بيسمعه".

وتابع: "موقف مضحك على المسرح مرة تامر هاشم بيلعب درامز وببص عليه لقيته وقع بالكرسى خارج المسرح وقعدت اضحك، وموقف محزن بتضايق جدًا لما بنكون على المسرح وبسبب الأعداد بتبقى كبيرة جدًا ساعات في ناس بيغمى عليها ومرة وقفت حفلة ونزلت ساعدت بنت لأنها أخذت وقت كبير لحد ما تفوق ونفسى لما الناس تبقى قريبة من بعض في الحفلات يبقى في مساحة أنهم يتنفسوا".