شارك المطرب تامر حسنى عبر حسابه بموقع إنستجرام فيديو له يكشف عن أحدث مدير أعمال له.
ونشر تامر الفيديو وعلق عليه قائلا: "قصة الفيديو.. اللى جنبى أستاذ عمرو مخرج الحفلة صاحبى وكنا فى كلية إعلام مع بعض وفرحت أوى لما شوفته يومها بيخرج حدث مهم كده".
وأضاف: "أما حبيبة قلبى تالية.. جاتلى من أول اليوم قالت لى أنا النهارده مديرة أعمالك وهتسمع كلامى فى كل حاجة".
وتابع: "قولت لها حاضر بس الشغل مفيهوش هزار ركزى فى التفاصيل.. قالت لى حاضر وطلعت لى البدلة اللى عجباها وجزمة ضيقة عليا بس هي صممت عليها وأنا قولت حاضر".
وأضاف: "اختارت لى الأغانى ورتبتها وماشية جانبى بقى عاملة وش الجد ومش بتهزر قال يعني كده مديرة" وأكمل: "لحد ما اتكسفت كده والطفلة اللى جواها اللى بموت فيها ظهرت فى الضحكة.. ربنا يحفظك يا حبيبتى ويحفظ كل ولادنا".
