قالت الفنانة نادية شكرى اغلب الناس متصورة انى غيبت كتير قوى، أنا سافرت برة مصر 7 سنوات، وبعدها رجعت عملت مسلسل الوتد كان مكسر الدنيا وأعمال كثيرة جدا وعملت حكايات بنات الجزء الأخير وعملت مسرح وعملنا العيال رجعت، وتوقفنا، وعملت حاجات لمسرح الدولة أخرها شباك مكسور، وعملت فيلم 404 مع منى زكى.
وأضافت خلال لقائها ببرنامج بيت للكل: مسلسل جودر تحديدا الدور صغير، وأنا ضيفة شرف، وفى كل حلقة فيه نجم، والشخصية كانت مختلفة، وده اللى خلانى أوافق، ومكنتش متخيلة خالص أنه هيعمل تأثير كبير، ولما شوفت برومو المسلسل لقيت حاجة وهم عمل عالمى.
وتابعت: قعدنا 3 ساعات يعملولى مكياج، ولقيت الاستقبال جميل، وحب كبير جدا من كل الموجودين، مقابلة واحترام، وتقدير، وتشجيع، واهتمام بكل التفاصيل، ولقيت ان في أسباب كثيرة للنجاح.
تم أضافة تعليقك سوف يظهر بعد المراجعة