تحدث المخرج بيتر ميمي، عن كواليس اختياره للوجوه الشابة التي ظهرت في مسلسل الحشاشين وهم الفنان أحمد عبد الوهاب وسارة الشامي ومحمد يوسف، مشيدا بالفنان كريم عبد العزيز وحرصه على ميلاد وجوه فنية قائلاً : " دور أحمد عبد الوهاب احترنا فيه جداً وتعبنا جداً في اختياره وكنت قاعد في قعدة وطرح اسم أحمد الوهاب مرتين اعتبرت ذلك علامة وطلبت الاتصال به لإجراء اختبار لبعض المشاهد، لأن الدور مهم وكبير وطلبت نعمل "كاستنج" مكنش عاوز يجي وداليا مراته أقنعته".
أضاف خلال لقاء عبر برنامج "كلمة أخيرة" الذي تقدمه الإعلامية لميس الحديدي على شاشة ON:"وعندما شاهدته قلت فوراً هو ده "يحيى" وكلمته وقعدت معاه أول مرة وتحدثت عن الدور وجاء تاني يوم اعتذر عن المسلسل وقالى حينها :ده دور كبير وأنا خايف أبوظ المسلسل، فأقنعته وقلت له انت أحسن حد هيعمله ونقف جمب بعض والدنيا هتمشي".
وعن اختيار سارة الشامي في دور "نورهان" قال : سارة كلمتها وحكتلها عن الدور كانت مخضوضة شوية لكن متحمسة والدنيا مشيت معاها مشهد ورا مشهد.
وعن اختيار محمد يوسف الشهير بأوزو قال : إشتغلنا مع بعض قبل كده في الاختيار 1 وهو من قتل المنسي وأنا سعيد بأداء الثلاثة، لأنهم معملوش حاجة عادية بل مبهرة".
وأشاد بالفنان كريم عبد العزيز وتبنيه للوجوه الشباب قال : علشان يبقى فيه جيل جدي لازم يكون فيه نجم يقبل ده وده اللي حصل مع كريم عبد العزيز وهو نجم كبير، وعايز يكون فيه نجوم تانيين في الفن ويقدمهم وفيه نجوم تانية مش بتحب تعمل ده".
تم أضافة تعليقك سوف يظهر بعد المراجعة