قرر برنامج "حياة كريمة" الذى يقدمه أيمن مصطفى والمذاع على قناة dmc، مساعدة شباب يبيع فى الشارع لإعانة أسرته ويسدد ديونه.
وقال الشاب: "مش معايا رأس مال وببيع فوط فى الشارع وبعمل اللى عليا وربنا بيسخرلى ناس وتقف جنبى وألاقى نفسى معايا بضاعة والحمد لله مستورة، وانا مصاب بنقرس فى رجلى وربنا كرمنى بزوجة صالحة مستجملانى، وأجهش بعدها فى البكاء، موضحا أن الأمر صعب عندما تكون راجل البيت لزوجة وأولاد وتحس انت مش الأب اللى بيتمنوه أولادك، ونفسى مكنش قدامهم ضعيف".
وأكد الشاب، :"محدش بيقلى مالك، وعليا دوين كتير، لكن فضل الله عليا عظيم وكبير، موضحا أنه إذا باع فى اليوم بـ 600 جنيه بيصفى 150 جنيها مكسب".
وعرض البرنامج عليه إعطاءه 500 جنيه ويترك البضاعة له، فرد: متعودش أخد فلوش متعبتش فيها، وبعد دقائق مر على الشاب رجل مسن من فريق البرنامج شكى له مأساته، ليرى رد فعله، فأعطاه الشاب الـ 500 جنيه التى أخذها من مقدم البرنامج".
وخلال الحلقة أهدى مقدم البرنامج الشباب "ميدالية أبطال حياة كريمة"، ومبلغ مالى 100 ألف جنيه لسداد ديونه وشراء بضاعة تكبير مشروعه، فبكى الشاب من الفرحة، مؤكدا دعيت ربنا كتير علشان يفك كربى".
كما قرر برنامج "حياة كريمة" مشاركة الخير مع صيدلية بتساعد الناس المحتاجة، وقالت الدكتورة سارة سعيد: "إحنا مجموعة صيدليات حلقة وصل ما بين المتبرع والحالة أو المريض، واحنا عملنا فكرة بسيطة وهى أنه عندما يحضر المتبرع علاج سكر مثلا للصيدلية والمريض يحتاج لعلاج ضغط فنقوم بشراء علاج السكر وعمل حساب جارى للتبرعات فى الصيدلية واللى محتاج دواء ضغط أعطيه وأخصم من هذا الحساب الجارى، ونقوم بعمل ذلك منذ 3 سنوات".
تابعت سارة سعيد: "هناك أسر مرضى متعففة مبتحبش حد يدفعلهم، فنعرض عليهم بدفع ما بمقدرتهم ونحن نساهم بجزء، وفى أسر عليها ديون، وانا مقتنعة بان كل واحد فى مجاله لازم يقدم صدقة للمحتاج".
وخلال الحلقة أهدى البرنامج لسارة سعيد "ميدالية أبطال حياة كريمة"، ومبلغ مالى لسداد ديون المرضى وترك مبلغ سيأتى لشراء علاجه وغير قادر على الدفع.
تم أضافة تعليقك سوف يظهر بعد المراجعة