الشحات يحيى ذكرى وفاة زوج والدته: مستنى تكلمنى وتقولى أعمل إيه فى الماتش

الأربعاء، 27 مارس 2024 10:13 ص

حسين الشحات

كتب سليمان النقر

حرص حسين الشحات لاعب الأهلى على إحياء الذكرى السنوية الأولى لوفاة زوج والدته، والذى يعد بمثابة والده بكلمات مؤثرة، عبر حسابه على موقع فيس بوك.

‏وكتب الشحات عبر حسابه الشخصي: "عدت سنة على فراقك يا بابا 27/3 وأنا بحاول أصدق ومش قادر ربنا وحده يعلم أنا حساس بإيه وفيا إيه ومخبي وجع القلب اللى جوايا واتكسر من يوم فراقك، ‏ربنا وحده عالم أنا بموت كل يوم إزاي.. أنا قاعد مستني تيجي تهزر معايا ‏أنا قاعد مستني أشوف رقمك بتكلمني تقولي أعمل إيه فى الماتش اللى جاي، ولا أنا غلط فى إيه، فى أي ماتش مستنيك تيجي تخدني فحضنك ‏أنا عارف إنك فمكان أحسن، ربنا يرحمك ‏يا بابا يارب ‏ربنا يرزقك الجنة إن شاء الله يا حبيبي".