كشف السيناريست باهر دويدار، مؤلف مسلسلي "صيد العقارب" و"مسار إجباري" أن التجربة كانت ممتعة جدا مع لجنة الدراما في المتحدة السنة دي، وتجربة في غاية السلاسة، ما حسيناش بأي عبء في التعامل معاهم، لأنهم هما عين غيرنا، اللى بيشتغل في مشروع بيكون شايف مشروعه هو بس، لكن لجنة المحتوى بالشركة المتحدة للخدمات الإعلامية شايفة كل الشغل اللى كلنا بنعمله أنا وزملائي، فبالتالي عندهم رؤية أوسع ممكن يبقي شايف حاجة أنا مش شايفها أو ينبهني لشيء أنا مش واخد بالي منه، وبيراعي إن مفيش تشابه بين المشاريع".
وقال مؤلف مسلسلي مسار إجباري وصيد العقارب خلال اتصال هاتفي على "تليفزيون اليوم السابع": إن اللجنة الدرامية بالشركة المتحدة قامت بدورها كمشرف عام من بعيد ينصحنا دائما، وعمرنا ما جالنا منهم ملحوظة أو تعليق منهم ومكانش مفيد، بالعكس كل تعليقاتهم مفيدة، سعيد بالتجربة معاهم جدا، أنا التجربة كلها بالنسبالي السنة دي جديدة، أول مرة اشتغل مع غادة وأحمد حسن المخرج، حتى معظم نجوم العمل أول مرة أشتغل معاهم، المسلسل دا غالى عليا شوية".
