ردت المطربة آمال ماهر، على الشائعات التي أثيرت حولها، قائلة: "أنا بخير، والحمدلله على محبة الناس.. أنا لما طلعت في فيديو دقيقتين قالوا مش هي، ومش في بيتها".
وأضافت آمال ماهر خلال لقائها ببرنامج "الحكاية"، مع الإعلامي عمرو أديب: "أنا اتخضيت من كتر الناس القريبين اللي بيكلموني، وبكلمهم وأرد عليهم ومش مصدقين إني أنا بكلمهم، بكلم قرايب وأصحابي بيقولوا لا ابعتيلنا صوتك، قلت لا انتو بتستهبلوا وزودتوها"، مردفة: "كنت أمشي، أقولهم والله ما في حاجة، كنت بروح الجيم، ولما تعبت وبطلت اتأكدوا قالوا لا خلاص دي مخطوفة وفيها حاجة، لا مفيش أي حاجة".
وواصلت الفنانة آمال ماهر : "بحس إن بالفطرة كده، الناس بتجري ورا أى إشاعة، والمرة الجاية لو فيه حاجة هسيب فيديو احتياطي"
واستكملت آمال ماهر: "أنا غنيت وقالوا لا مش هي برضو، قالوا دي دوبلير، ولغاية برضو وأنا قاعدة معاك يقولوا مش أنا، أو حاجة قديمة".
تم أضافة تعليقك سوف يظهر بعد المراجعة