استشاري نفسي: الرفق يُنجز ما لا تُنجزه الشدة.. والناس تحب الهيّن الليّن

أكدت الدكتورة سمر كشك، الاستشارية النفسية، أن الكثير من الناس أصبح منتشر بينهم الجفاء وصفات فيها من الشدة والعنف بدل اللين والرحمة، قائلة: "أوقات بتقابل ناس لما بتسيبها بتحس أنك نجيت منها وليه نقول كده واحنا شايفين الدنيا مليانة صعوبات ومحتاجين اللي يساندنا ويقوينا ويكون الشخص الهين اللين الطيب المريح".

وأضافت سمر كشك، خلال تقديم برنامج "سلام نفسي"، المذاع على قناة الناس، أنه حينما  يسمع البعض كلام عن الشخص الهين اللين تشعر كأن الدنيا كلها بطبطب عليك، متسائلة: "ليه أوصل حد يكره الدنيا بسببي وليه نلاقي أزواج لو حصل بينهم فتور كل واحد يجيب القديم والجديد للثاني وميفتكرش إلا الوحش؟".

ووجهت نصيحة: "لازم نمسك العصايا من النص ونخلي الناس تدعي لك لما يتذكر اسمك وتقول انسان طيب وهين ولين الطباع واللي ممكن تأخذه بالشدة تخده باللين أضعاف والرفق ينجز ما لا تنجزه الشدة والناس بتحب الهين اللين وتعمل لك الحاجة أضعاف ما تطلب يتعملها بالعنف والشدة وصاحبوا الناس اللينة اللي بيعملوا حساب لقلوب الناس".