قال الفنان إسلام إبراهيم، إنه أعجب بدوره في مسلسل "عيلة زوزو" بمجرد قراءته.
وأضاف خلال لقائه مع الإعلامية إسعاد يونس ببرنامج "صاحبة السعادة" الذي يذاع على قناة "dmc": "أكتر حاجة عجبتني في الدور، أنه كان بيتكون، كل يوم بيتكون قصاد الناس، وكل يوم بشخصية، كأن حد بيلعب في الإعدادات".
وقال: "في الأول كان متفائل أوي، بس كان معندوش أي مشاعر تانية، وبعد كدة اتعامل مع حنان فبقى متشائم جدا، وفي النهاية زوزو بدأت تربيه، وبقت زوزو كل حياته، وكل الحاجات دي بقيت قصاد شخصية أنا معملتهاش قبل كدة".
وتابع: "بدأت أذاكر، واكتشفت أنه الدور ده مش لبني آدم، عقل طفل وجسم كبير، معندوش حياة أخرى، وبقت زوزو كل حياتي، وبدأت اتفرج على أفلام برة، عشان أوسع خيالي شوية".
وقال: "الأطفال والبنات، حبوا الدور أوي، ومش عارف البنات حبوه ليه بصراحة".
تم أضافة تعليقك سوف يظهر بعد المراجعة