الرئيس السيسي: أسجل احترامى وتقديرى للمصريين.. والأزمة الحالية لها حلول

الأربعاء، 24 يناير 2024 01:59 م

الرئيس عبد الفتاح السيسى

كتب محمد عبد العظيم و محمد عبد المجيد

أكد الرئيس عبد الفتاح السيسي، أن الأزمة الحالية لها حلول، متابعا: "الأزمة اللى احنا فيها دي لها حلول.. بس صدقونى حلولها تعتمد علينا".

وتابع الرئيس السيسى فى كلمته خلال حفل عيد الشرطة 72: "احنا كنا بنستورد بـ 4.5 مليار دولار سيارات.. انت بتروح للبنوك والبنك المركزي تقوله عاوز افتح علشان اجيب ده وده.. والدولة المصرية حاليا 106 ملايين نسمة بالمناسبة ومطلوب توفر لهم كل شىء".

واستطرد: "أولا أسجل احترامى للمصريين.. انا بحلف بالله.. بحلف بالله.. تقديري لهم.. وبقول للمواطن الغلبان والبسيط بسجل احترامي وتقديري للجميع".