صداقة تتحول لحب.. قصة هشام جمال وليلى زاهر من أخويا وبيدعمنى لـ خطيبى

بمجرد ظهورهما معا فى المناسبات والأعمال الفنية كانت الأنظار دائما تتجه نحوهما بسؤال "مرتبطين؟ لايقين على بعض"، لكن كانت الإجابة تأتى على الفور: "داعمى الأول ومثل أخويا"، لكن تحولت تلك العلاقة إلى حب وارتباط، وذك بعد أن أعلن الفنان هشام جمال أمس خطبته على الفنانة ليلى أحمد زاهر، وكتب قائلا: "الحمد لله 2024 بتبدأ بخبر سعيد علينا، من أيام قليلة كانت قراية الفاتحة، وإن شاء الله الخطوبة قريبا، نتمنى من كل الناس تدعيلنا بالتوفيق والسعادة والخير".

ـ خطوبة ليلي زاهر

وكانت ليلى أحمد زاهر، دائما تشارك متابعيها صورا مع هشام جمال من كواليس تصوير مسلسل "فى بيتنا روبوت" وتكتب أن هشام بيدعمها فى كل خطوة فنية لها وأنه يساعدها مثل أخيها، ومن بوستات ليلى: "كنت عايزة أشكر كل واحد تعب فى المسلسل ده وحاول يبذل كل جهده عشان المسلسل ده يطلع حلو ويعجبكم وأولهم طبعًا أخويا وصديقى اللى بحبه وبحترمه وبثق فيه جدًا هشام جمال الي بيفاجئنا و بيفاجئ كل الناس بأفكاره المبتكرة و موهبته شكرًا علي كل حاجة يا هشام".

وكتبت ليلى في بوست تهنئ هشام بعيد ميلاده، قائلة: "كل سنة وأنت طيب وناجح وشاطر ومجتهد وموهوب ومحترم ما شاء الله كل سنة وأنت الأخ الكبير والصاحب الجدع والروح الحلوة إن شاء الله كل الظروف الصعبة تعدى ونفرحك زى ما أنت دايماً بتفرح كل اللى حواليك".

وبعد أن أخرج هشام فيديو كليب ليلى، كتبت قائلة: "أنا طول عمري بقول إنك دايما بتكون سبب في أي نجاح نجحته أو بنجحه في حياتي بعد ربنا. لكن المشروع ده أنا عايزة أشكرك عليه بشكل خاص قدام كل الناس لأني أول ما سمعتك الأغنية عشان أخد رأيك كنت مبسوط وفخور بيا جداً لأنك أول واحد وقفني قدام مايك وأول لما طلبت منك إنك تخرجلي الكليب ما ترددتش للحظة رغم إنك كنت مشغول قوي ووراك 3000 حاجة ما شاء الله ومع ذلك ما قصرتش معايا ولا مع الكليب لحظة وكل حاجة خدت حقها الحمد الله وده يدل علي انك راجل محترف جداً في الشغل وعلى المستوى الإنساني أخويا وأقرب صديق ليا اللى دايماً بيشجعنى وفي ظهري شكرًا يا هشام علي كل لحظة اديتها للكليب ده من جوه قلبك والحمد لله الرسالة الفنية الي انت قدمتها في الكليب وصلت لناس كتير الحمدلله شكرًا يا أجدع وأنضف أخ في الدنيا وربنا يكرمك يارب في كل اعمالك الجاية ويارب دايماً ناجح".

وكان دائما هشام جمال يشارك أيضا متابعيه عبر حسابه على إنستجرام بصور مع ليلى أحمد زاهر من كواليس تصوير مسلسل في بيتنا روبوت بجزئية ومن المناسبات وخروجهم مع بعض ومن كلمات هشام على صور مع ليلى: "المزيد من الذكريات والتجارب الجديدة مع الفتاة الموهوبة كل  سنة، ومن أفضل الأشياء هو مشاهدتها وهي تكبر وتتطور بوتيرة مثيرة للإعجاب".

خطوب ليلى زاهر وهشام جمال

هشام جمال و ليلى أحمد زاهر 

هشام جمال و ليلى أحمد زاهر 

هشام جمال و ليلى أحمد زاهر 

هشام جمال و ليلى أحمد زاهر