كشف الإعلامي أحمد فايق، دور "الصديق الروبوت" المخصص لمساعدة الأطفال في جولة المكتبة وتصفح الكتب والبحث عن إجابة لأسئلتهم في كوريا الجنوبية.
وقال خلال برنامج "لوغاريتم"، عبر قناة "DMC": "واحدة من أجمل الحاجات اللي أنا شفتها في البلد دي هي فكرة إزاي بيحببوا الطفل في المكتبة والقراءة، والطفل زى أى طفل بيحب الروبوت والكرتون وإزاى يتسلى"، مردفا: "الروبوت دا بيساعد الأطفال إنهم يتجولوا فى المكتبة بيساعدهم يختاروا الكتب اللى بتناسهم وينفعل ويهزر ويلعب معاهم وبقت زيارة المكتبة فسحة مش مجرد تقعد تقرا كتاب".
وتابع: "وأحنا صغيرين كان عندنا روبوت بنحبه، مش حقيقي، وكان اسمه العمدة الآلي كان بيطلع في الفوازير ويلبسه الفنان أحمد راتب على إنه إنسان آلى، وكان بالنسبة لنا في معزته إنه الحياة كلها، في المكاتب هنا في روبوت، وبيتفاعل مع الأطفال، ودا العمدة الآلى بتاع كوريا".
تم أضافة تعليقك سوف يظهر بعد المراجعة