أكد الفنان أحمد فهيم أنه اضطر لأن يعتذر عن جميع مواعيده وأعماله لكي يشارك في مهرجان العلمين الجديدة، فى رسالة للعالم بأن لدينا مدينة بهذا القدر من الجمال.
وأضاف الفنان أحمد فهيم: "أنا اضطريت إنى أفضى نفسى تماما، علشان أكون في المهرجان علشان نقول للعالم كله إن عندنا مدينة بالجمال ده، وعندنا تطور عمراني بالشكل الهايل، ونظهر للعالم كله الوجه اللي هينقلنا لمصر الجديدة".
وتابع أحمد فهيم: "الحمد لله يعني المهرجان كان حدث مهم وكانت فعالية جميلة جدا، أظهرنا فيها للعالم كله إن مصر موجودة على طريق التطور، وطبعا مدينة العلمين اتكلم عنها كل اللي شافها، كل اللي زارها بيقول إن هى طفرة على المستوى العمراني، ويا رب يكون الخير كله لمصر في الفترة اللي جاية إن شاء الله".
وعن آخر أعماله قال أحمد فهيم: "إن شاء الله عندي أحلام كتير وعندي طموحات كتير، وكمان عندي أفكار كتير عايز أحققها، لسه بداية المشوار، لسه بابدأ ولسه باقول يا هادي، وباعتبر إن دور سيد العمدة بداية الطريق، وإن شاء الله تكون الفترة اللي جاية فيها نجاحات ليا ولكل الشعب المصري".
تم أضافة تعليقك سوف يظهر بعد المراجعة