فيسبوك
واتساب
قال الإعلامية مروة شتلة، إن غالبية الأهالى فى البيوت يعيشوا حاليًا فترة طوارئ بسبب امتحانات الثانوية العامة التى أوشكت على الانتهاء، مضيفة: "ربنا يوفق جميع الطلاب وييسر ليهم كل صعب يا رب العالمين.. لكن للأسف كل ما الامتحانات تقرب تنتهى القلق والتوتر بيزيدوا عند الطلاب وأهاليهم.. خاصة الطلاب بيفضلوا يفكروا فى الامتحانات اللى فاتت ويا ترى هيحصلوا على درجات كويسة ولا لأ.. بجانب قلقهم أصلًا من المواد اللى لسه هيمتحنوها".
وتابعت شتلة، خلال حلقة برنامجها "البيت"، المذاع على فضائية "الناس"، اليوم الأربعاء: "طبعًا القلق دا بيعود بنتائج سلبية على الطلاب وبيفقدهم تركيزهم واستيعابهم للمواد اللى ذاكروها، وعلشان نتجنب كل ده لازم نعمل شوية أمور عشان نساعد طلابنا على التركيز".
واستكملت: "أول حاجة تمارين التنفس، يفضل أن الطالب يخصص خلال مذاكرته دقيقتين لممارسة تمارين التنفس، لأن ده بيساعده على التخلص من الضغط النفسى وبيساعده كمان أنه يركز أثناء المذاكرة، وثانى هام تحقيق نظام حياة صحى، السهر طول الليل واتباع نظام غذائى سيء بيسببوا زيادة أعراض القلق.. علشان كده بينصح المتخصصين بالحصول على قسط كافى من النوم وتناول طعام صحى خالى من الدهون وتناول كمية أقل من القهوة أو المشروبات اللى بتحتوى على الكافيين بشكل عام، وكمان ممارسة الرياضة لمدة نص ساعة على الأقل يوميًا".
وأشارت إلى أن أهم خطوة هى زيادة الثقة بالنفس للأبناء، قائلة: لو الطالب فقد ثقته بنفسه خلال فترة الامتحانات.. لازم يقف مع نفسه ويفتكر المواقف الصعبة اللى مرت عليه وعدى منها واستطاع بعزيمته وإصراره على النجاح فى تجاوزها.. لأن ده هيساعده يكمل بقية الامتحانات بطاقة وثقة عالية فى نفسه".
وكانت الشركة المتحدة للخدمات الإعلامية، قد أطلقت قناة الناس فى شكلها الجديد، باستعراض مجموعة برامجها وخريطة الجديدة التى تبث على شاشتها خلال 2023.
وتبث قناة الناس عبر تردد 12054رأسى، عدة برامج للمرأة والطفل وبرامج دينية وشبابية وثقافية وتغطى كل مجالات الحياة.
