"دخلت السجن بسبب 100 دولار والشرطة جت البيت وقالت لمحرم فؤاد مسكنا بنت معاها 100 دولار مزورة وقالت إنها أخذتها من عايدة رياض".. بهذه الكلمات حكت الفنانة عايدة رياض أسرارا وكواليس عن حياتها الشخصية من خلال برنامج "واحد من الناس".
وقالت: "محرم فؤاد اتخانق مع الضابط وقتها وده السبب إنى اتأخرت فى المديرية والأستاذ صلاح فايز عمل أغنية عن قصتى بعنوان "ظالمة ليه يا دنيا".
وعن كواليس خطوبتها من محرم فؤاد حكت قائلة: "عملت خطوبة علشان أغيظ حبى الأولانى وبعد كده حبيت محرم جدا وكان فرق بينا 20 سنة واستمر زواجنا 13 سنة ولم أنجب منه وكان غيورا جدا لدرجة أنه ضربنى مرة فى لندن بسبب الولد اللى كنت بحبه جالى تليفون من صديقه بيطلب منى أرجع له تانى ومحرم سمع المكالمة واتجنن وضربنى".
وعن شائعة زواجها من الفنان أحمد بدير علقت عايدة: "دى كانت أيام مسرحية "تكسب يا خيشة" وأنا كنت هسيب المسرحية بسببها وأى اتنين فى عمل واحد بتطلع عليهم الشائعات دى".
تم أضافة تعليقك سوف يظهر بعد المراجعة