اشتهر الفنان بيومي وهو في سن كبيرة، وحقق نجاحا كبيرا ودخل قلوب الملايين من الجماهير ولقبوه ب"جوكر الدراما المصرية"، ونجح في ترك بصمة قوية في معظم الأعمال التي قدمها في السينما والدراما بحسه الكوميدي.
اسمه الحقيقي " بيومي فؤاد حداد عبدالجليل"، تخرج من كلية الفنون الجميلة في جامعة حلوان، فكان مشتركا بفرقة أتيليه المسرح، كما تخرج ضمن الدفعة الأولى لمركز الإبداع الفني، قسم الإخراج، وعمل في مجال الإعلانات أولاً.
من خلال التقرير التالي نسلط الضوء على الفنان "بيومي فؤاد" وجزء من بدايته الفنية، الذى كشفها لنا في تليفزيون "اليوم السابع"، تعليقا منه على بعض تعليقات الناس بانه متواجد في كل عمل ومرطرط أجاب قائلا:" كل خوفى علشان الناس اللى بتتكلم حتى لو بالهزار إن أنا متواجد كتير.. أنه يحصل حرق لشخصية.. أو أنه يتقال إنى "مرطرط" أو موجود كتير، وانا بعتذر للناس اللي طلبت تتصور معايا وانا مقدرتش، وعن التعليقات حول ظهور بيومى فؤاد باستمرار، قال: "زمان التعليقات دى كانت بتضايقنى، بس اكتشفت بعد كده إن كل الناس المبسوطة منى بيقولوه والمتضايق منى بيقوله، والموضوع وصل للهزار حتى ولادى بيهزروا في الموضوع ده وبيكتبوه"، مضيفًا: "عندى ابن دمه خفيف بيقول إنه بيشوف الراجل ده أكثر ما بيشوف أبوه في البيت".
واستكمل عن المغنى الذى لا يسمعه بيومي فؤاد، قال: "بحب أسمع كل الناس، بس رغم إنى بحب الموسيقى الصاخبة والآلات النحاسية، بس أنا مش ميال للمهرجانات أوى بلغة الشباب مش واكلة معايا خالص".
"جوكر الدراما المصرية" بيومى فؤاد مش هتمل من مشاهدة إبداعه، وفنه وعباراته وضحكاته التي دائما تضيئ منازلنا، كل سنة وحضرتك وعقبال 100 سنة.
تم أضافة تعليقك سوف يظهر بعد المراجعة