قالت الفنانة مروة عبد المنعم إنها تعشق التمثيل منذ الصغر، ولكن البداية كانت صعبة جدا، وأوضحت: بدأت مشواري الفني دون علم أهلي، وكنت وقتها فى كلية الحقوق وبدأت أشق طريقي في التمثيل، بالمشاركة في مهرجانات من وراء أهلي، وقررت بعد الجامعة دخول معهد فنون مسرحية من وراهم .
و أضافت مروة خلال لقائها مع الإعلامي عمرو الليثى ببرنامجه واحد من الناس على شاشة الحياة: "مشاركتي بمسلسل أم كلثوم تعد الأولى لي، ووالدى فوجئ بالناس بتقوله بنتك بتمثل فى مسلسل "ام كلثوم"، وكان رد فعله صعب جدا و جابنى من شعرى على السلالم، و حبسنى فى الفيلا بتاعتنا فى البلد، وقلت انى هانتحر وهربت من البيت روحت لماما فى ميت غمر، و قولت ليهم انا همثل و مش عاوزة منكم حاجة و اشتغلت مندوبة مبيعات فى الشارع عشان اصرف على نفسي" .
وذكرت مروة: انني أقنعت بابا أن أكمل فى المعهد قسم إخراج، وقلت ليه أنا ماضية أربع مسلسلات و لو معملتهمش هتحبس، ولم يكن هناك مسلسلات .
و تابعت انها لا تتمنى ان ابنتها حور تدخل مجال التمثيل، لأنه متعب جدا وصعب، ووأوضحت: هياخد من حياتها كتير.. وأنا اتجوزت عشان أحصل على استقلاليه وأمثل براحتى و زوجي كان موافق عادى".
تم أضافة تعليقك سوف يظهر بعد المراجعة