حذر الشيخ أحمد مكي، إمام مسجد الإمام الحسين، من الرفاهية الزائدة للأبناء دون تعليمهم قيمة النعمة التى يعيشون فيها، مطالبا الأباء بضرورة تعليم الأبناء "التخشن"، أى جعلهم يعيشوا ولو تكليفا فى درجات أقل من الرفاهية التى هم فيها، حتى يعرف قيمة النعمة.
وتابع خلال حواره مع الإعلامية سالي سالم، ببرنامج "البيت"، المذاع على فضائية "الناس"، اليوم الأحد: "سيدنا النبي قال لنا (اخشوشنو فان النعمة لا تدوم)، عشان كده لازم الأم تعمل أكل متواضع ويعلنوا رضاهم عنه، ممكن يأخد أولاده ويعرفهم قيمة السكن اللى هم فيه ويخليهم يشوفوا ناس أقل منهم، ولا يجعلهم يبصوا لغيرهم لأ لازم يبصوا للأقل منهم عشان يحمدوا ربنا على النعمة اللى هم فيها".
واستكمل: "لازم فى أمور الدنيا نبص للى أقل مننا عشان نحمد ربنا، ولازم نبص للأعلى مننا فى الآخرة".
وكانت الشركة المتحدة للخدمات الإعلامية قد أطلقت قناة "الناس" في شكلها الجديد، باستعراض مجموعة من البرامج الجديدة التي تبث على شاشتها خلال 2023.
وتبث قناة "الناس"، عبر تردد 12054 رأسي، عدة برامج للمرأة والطفل وبرامج دينية وشبابية وثقافية، وتغطي كل مجالات الحياة.
