قال الفنان حاتم صلاح إنه سعيد وفخور بالمشاركة بمسلسل الكبير والناس كانت بتشبه عليا من غير الباروكة، لكن دلوقتى خلاص بقيت مشهور، وأول ما تصدرت التريند اتخضيت وخوفت وكمان العروض بقت كتير.
وأضاف خلال حلوله ضيفا ببرنامج واحد من الناس مع الإعلامى د. عمرو الليثى على شاشة الحياة، استشرت الفنان أحمد أمين قال لى اتبسط باللى إنت عملته وخدها واحدة واحدة. والأستاذ أحمد الجندى مخرج كبير، والنجم أحمد مكى نجم كبير، ويسمح بكل المساحة دى للممثلين معاه دى حاجة محترمة، وكل مشاهد المسلسل كنا بنخرج فيها عن النص، وبنرتجل كتير، وفى مشهد مع حزلقوم مقدرتش أمسك نفسى من الضحك، وبقيت كل ما أبص ليه أضحك وابتدى أستاذ أحمد الجندى يقفش علشان المشهد تمت إعادته أكثر من مرة.
وتابع حاتم أن هناك علاقة رائعة تجمعه بالممثلة رحمة واشتغلت معاها فى "أمين وشركاه" وهى كوميديانة كبيرة وبتعمل حاجات محدش يعرف يعملها غيرها.
و عن الهجوم على الفنانة رحمة اعتقد انها كان حملة ممنهجة لان البوستات كانت واحدة، وكلمتها تانى يوم رمضان وقولت ليها ما تقلقيش، وعادى انا برضو اتشتمت كتير فى اول الموسم السادس ومكى قال لى ما تقلقش، وهى ما تستهلش الهجوم ده وهى ممكن ما تستحملش لكن لكن مع الوقت بنتعود.
وتابع أن من اصعب المشاهد حلقات المبارة وكورة القدم، وفى اول يوم تصوير جالى تمزق فى الأربطة وكان لازم احبس رجلى لمدة اسبوعين، وكلمت دكتور صديقى عملى جبيره مثل اللاعبين وكانت بحاول اخفى اصابتى فى الجرى.
تم أضافة تعليقك سوف يظهر بعد المراجعة