قدم الكاتب الصحفي والاعلامي يسري الفخراني، حلقة جديدة عن حرفة مميزة أعاد تسليط الضوء عليها في برنامج "باب رزق"، المذاع على قناة dmc، حيث تناول أسرار وتفاصيل وحكايات فن الديكوباج مع أصحاب معرض مروة وزوجها أحمد.
وعرض برنامج "باب رزق" تقريرا تلفزيونيا، من داخل معرض مروة وأحمد، وتحدث التقرير عن تاريخ الديكوباج، حيث إنه فن شعبي بسيط بدأ من الصين يقوم على القص واللزق للورق ولزقه بأشكال مختلفة بحيث يعمل بهجة وتسمى بزينة البسطاء وهو طريقة سهلة لإعادة تدوير الأشياء القديمة.
وقالت مروة: "الرسومات اللي بنصممها ملهاش علاقة بطراز معين وبنغير في الألوان والزبون بيفهم جراءة الألوان ووصلنا لمرحلة الناس تبعت لنا صورة البيت وتقولنا اختاروا الألوان اللي عايزنها وبنعمل التصميمات والحفر على الصواني ليزر، وبنعمل تصميمات طبالي بحروف عربي وبنعمل في خطوات التنفيذ وعندنا تصميمات مخصصة لرمضان".
وعبروا عن أمنيتهم في المشاركة في معارض الديكوباج خارج مصر، مضيفين: "نفسنا نطلع معارض برة مصر وفي ناس كتير بتبعت لنا ونفسي ميكونش في الموضوع تعقيدات ومشكلتنا في الشحن والحاجة بتبقى أوزانها ثقيلة، وكان في كذا معرض في كذا دولة وبنحاول لحد لدوقتي نطلع حاجات بسيطة للمشاركة في المعارض".
