قدم أحمد رأفت، مذيع الشارع، حلقة جديدة مساء اليوم الأحد، من برنامج "ناسها البسيطة" على قناة CBC، عن جبر الخواطر وتأثير الكلمة الحلوة على حياة الناس.
والتقى بعم ممدوح، الذي عبر عن سعادته وتعرضه للكثير من مواقف جبر الخواطر من أسرته واقاربه، قائلا: "حصل لي مواقف كتير وبلاقي الأقارب والأهل مش بيسيبوا حد يتهان أو يتأذي، وأهلي وقفوا جنبي وبيجبروا بخاطري وكفاية لما حد يقولك كلمة حلوة ومش لازم بالماديات والأكل والشرب وكفاية بس الاتصال والاطمئنان على الحالة الصحية".
وتابع: "كل يوم بحس أن ربنا بيجبر بخاطري والمعاش قليل فربنا جاب لى شغل شغال حتى الآن، ومطلعتش منه، وبجبر بخاطر الناس، وفي أسر كتير يتامى في إمبابة كنا عاملين جمعية بنلم من الشارع فلوس بس وواحد بيروح يجبر بخاطرهم وربنا هو اللي واقف معاهم، وده شارع بورسعيد، وكفاية ربنا عليا وربنا بيجبر بخاطري وبكل الناس".
وشارك عم ممدوح، في فقرة لعب الكرة واختيار الفوانيس ببرنامج "ناسها البسيطة"، حيث قدم له مذيع الشارع أحمد رأفت ثلاث فوانيس اختار منها فانوس ووجد فيه مبلغ مالي، وعبر عن سعادته قائلا: "كده كتير عليا الله اكبر وربنا يبارك فيكم والف شكر".
تم أضافة تعليقك سوف يظهر بعد المراجعة