أكدت الفنانة شيرين رضا، أن الأشخاص الذين يستحقون الاستمرار في حياتها، هم من ترتاح معهم، قائلة: "اللي يستاهل يفضل في حياتي، الناس اللي مرتاحة معاهم، ومش بحس بالتمثيل معاهم وأفكر قبل ما اتكلم".
وأضافت شيرين رضا، خلال حوارها ببرنامج "أنا والقناع"، مع الإعلامية منى عبد الوهاب، على قناة الحياة، اليوم الأحد، أنها تجد في الحيوانات الحب، والبشر يحبون أيضا، ولكن يحبون لأسباب، متابعة: "بلاقي في حيواناتي الحب والكلاب والقطط بيحبوا من غير سبب".
وأقرت شيرين رضا، بأنها مقصرة في حق نفسها، قائلة: "أنا مقصرة في حق نفسي ومش بدي نفسي حب كافي، وبحاول أعمل المفيد ومش بحب المرايات".
كما قالت النجمة شيرين رضا، إنها من الشخصيات التي تخفي أحاسيسها خلف الصمت، وأحيانا تشك في آرائها، لذلك تعمل على تجديد أفكارها باستمرار، مضيفة: "بخبي كل أحاسيسي ورا الصمت، ولازم أجدد افكاري والحاجات اللي بصدق فيها لأن الدنيا بتتغير".
واضافت شيرين رضا، خلال حوارها ببرنامج "أنا والقناع"، أن الأمور التي تصدق من 20 عاما تختلف الآن، متابعة: "الحاجات اللي تتصدق من 20 سنة، مش هي دلوقتي، والتكنولوجيا والعمر والتجربة بيغيروا قناعتنا ولو مغيرتش تتكسر".
وتابعت: "احنا بنغلط، ومفيش مجتمع كامل، وجزء من حلاوة الحياة أننا بنغلط فيها، والتجربة تعلمك والتعاسة تعلم السعادة ومتعة الرحلة في الرحلة وما نتعلمه منها".
وأكدت النجمة شيرين رضا، أن انتصارها هو بمثابة انتصار لحرية المرأة، وإقرار بكامل الحرية التي تتمناها كل امرأة، مضيفة: "كل واحدة فينا ممكن يبقى عندها كامل الحرية التي تتمناها، وتنتصر على رؤية الناس للست، وانك ممكن يكون عندك حرية ولا تستخدميها".
وأشارت شيرين رضا، إلى أنها تختار استئصال الجراح من جذورها بدلا من المسكنات حتى لو سيسبب ألما كبيرا، موضحة أن زيجاتها وابنتها علموها كل شيء في الحياة وكيفية تحمل المسئولية.
وتابعت: "جوازتي وبنتي علموني كل حاجة وخلوني اعرف اكون مسئولة ومش كل الناس تعرف تكون مسئولة وفي ناس بعد خطوتين تلاتة تنهار واللي حصلي في حياتي علمني، ومش لذيذ أن عقل الست يتخدر لأي سبب حتى لو بتحبي بني ادم لازم يكون العقل شغال لان العقل يحمي المرأة وكمان الراجل".
وتحدث النجمة شيرين رضا، عن افتقادها الشديد للفنان الراحل أحمد زكي والجلوس معه، قائلة: "افتقدت أحمد زكي ووحشني قوي، وكنا أصحاب، وكنت بحب أروح أقعد معاه ونتكلم مع بعض".
وأضافت شيرين رضا، في حوارها ببرنامج "أنا والقناع"، على قناة الحياة: "مرة رحت أقعد معاها وزرته في البيت، وكنا هنتغدى ونتفرج على فيلم السادات والفيلم طويل، وهو مهتم جدا بكل تفصيله عملها وقعدنا نتفرج على الفيلم 6 ساعات وكل شويه يوقف ويشرح كل مشهد وكان بيحب اللي بيعمله وكنت علطول معاه في الاخر ".
وأشارت شيرين رضا، إلى أنها لا تحب لبس قناع الزعل، متابعة: "مش بحب النكد وليا واحدة صاحبتي كانت عزيزة عليا ووقعت في نظري بسبب التصرفات ولما حد بيجرحني بمشي واللوم يكون لما تفرق معايا، واحب اشوف الجمهور شايفني ازاي ولازم يفرق معايا الناس شيفاني ازاي وانا في المجال ده عشان الناس".
وأكدت النجمة شيرين رضا، أن الشغل له هيبته، وعلاقتها بابنتها وأهلها وأصدقائها ليست لها هيبة ولكن بينهم حب، قائلة: "علمت بنتي كل حاجة اتعلمتها من أبويا وأهم حاجة النقاش وأخذت من والدها أيديه ورجله وأخذت ملامح منه".
ونوهت شيرين رضا، أنها لا تعتقد أن أحد استطاع فهمها من ارتباطاتها العاطفية، متابعة: "أنا لغز كبير وأنا بس اللي معاه مفتاح اللغز، ومش بخاف من الحب وتعودت أن مشاعري متكونش هي المتحكمة في أفكاري وأرائي".
وتابعت: "أنا مش أكتر واحدة فهمت عمرو دياب واحنا كنا صغيرين وقت زواجنا وأعرفه من صغرنا ونعرف بعض كويس ولكن مش أكتر واحدة أفهمه ومش فاكرة غير الحاجات الحلوة اللي بينا ومش بحب افتكر الحاجات الوحشة".
تم أضافة تعليقك سوف يظهر بعد المراجعة