قالت الفنانة ميرفت العايدى وهى البنت اللمضة الشقية فى فيلم "الحفيد " واللى قالت لعبد المنعم مدبولى (بابا انا مش عايزة اولد.. خلى جوزى هو اللى يولد )، انها دخلت التمثيل بالصدفة، حيث أن كان لهم جار بيشتغل فى الاستوديو وانا كنت لمضة اوى وأنا صغيرة والناس كلها بتحبنى، فالتحقت للعمل معه فى الاستوديو.
وسردت موقف لها قائلة: عاطف سالم شافنى وهو كان بيدور وقتها على طفلة تعمل الدور ده وقال لى قول كده الجملة دى فقولتها طيب ارقصى فرقصت فقال لى خلاص هاتخدى تعملى الدور.
وأضافت ميرفت: ذهبت إلى الاستوديو وعلى الكاميرا علشان أخد على الجو، وقعدت فترة طويلة تقريبا عايشة معاه ليل نهار حضرت معظم مشاهد الفيلم وخروجات وفسح ومشاوير عائلية، كل ده علشان يقدر يحتوينى واعمله الدور زى ما هو عاوز، وكان عمرى وقتها 5 سنوات".
و تابعت ميرفت أن أصعب مشهد لها فى التمثيل، كان فى مسلسل "الا الدمعة الحزينة " مع الفنان احمد زكى، وهو مشهد العياط لانى كنت طفلة قاعدة فى الاستوديو بلعب وبهزر فجأة بيقولو لى ادخلى عيطى وعيدنا المشهد ده كتير، وأنا بطلت التمثيل فى سن 12 سنة لانى لم استطيع التوفيق بين التمثيل والتعليم، وأيضا من المشاهد الصعبة فى فيلم يا رب توبة مشهد كانت مدام سهير المرشدى بتحط المخدة على وشى واموت، انا رفضت وفضلت تحايلنى وتقولى متخافيش لحد ما عملته.
https://fb.watch/j4NHpt8YtP/?mibextid=q5o4bk
تم أضافة تعليقك سوف يظهر بعد المراجعة