تغطية جديدة قدمها تليفزيون اليوم السابع أعدها وقدمها الزميل محمد أبو ليلة، حول أبرز تصريحات الرئيس السيسي خلال مؤتمر تحيا مصر وفلسطين المنعقد في استاد القاهرة، حيث قال الرئيس عبدالفتاح السيسي إن جميع المصريين اشتركوا للتخفيف من معاناة الفلسطينيين في قطاع غزة.
وأضاف الرئيس السيسى: "هنأكد على الدور الكبير الذى قامت به مصر متمثلة فى كل المصريين (جمعيات –و منظمات - وحياة كريمة -و تحيا مصر" كل الناس اشتركت علشان تخفف عن أهالينا في قطاع غزة رغم ظروفنا الصعبة لكن عاوز أقولكم إن حجم المساعدات مقارنة بالمساعدات التي تم إدخالها خلال الكام يوم اللى فاتوا دول إحنا 75 – 80% حجم اللى جه من الدنيا كله كوم والكوم اللى مصر قدمته وده مش من ولا حاجة لكن أقصد أقول بيه إن احنا كنا على قدر المسؤولية وحاسين قد إيه نتحرك كلنا ونخفف عن أهلنا في القطاع بالمساعدات اللى اتجهزت فى أسرع وقت
أيضاً أكد الرئيس عبد الفتاح السيسي أن الدولة المصرية لم تُغلق معبر رفح أبدا متابعا: "مهم أوي النقطة دي.. بقولكم الكلمة دي علشان شوفت الكثير من المغالطات.. إننا مش عاوزين أو بنقفل المعبر، المعبر مفتوح بشكل مستمر.. وكنا مستعدين
وأضاف الرئيس السيسي لدى وصوله استاد القاهرة للمشاركة في مؤتمر "تحيا مصر وفلسطين: "قبل موضوع 7 أكتوبر كانت بيدخل 500 شاحنة يوميا ولما يبقي فيه أزمة كبيرة كده.. مش من صفاتنا أو سماتنا أننا نقفل المعبر".
وقال الرئيس السيسي: "سعيد إن أنا موجود معاكم النهاردة .. والجهد اللى انتوا بتعملوه ده الشباب والشابات في الأيام الصعبة اللى موجودة بنحاول نخفف بيها عن أهلنا في القطاع وده أمر افتكر إن احنا كلنا حاسين بيهم وكلنا بنحاول نخفف ما أمكن عنهم".
وشدد الرئيس السيسي على أن الدولة المصرية لم تغلق معبر رفح، متابعا: "فيه بعض القنوات قامت بالإساءة لينا، معبر رفح لم يغلق أبدا، كان فيه إجراءات أخرى من الجانب الآخرعلشان دخول الحاجة "المساعدات" الدور مش عندنا أحنا بس.. مهم أوى تعرفوا النقطة دى".
وأضاف الرئيس السيسي: "بنتكلم كدولة فى إطار قواعد القانون الدولي لدينا إجراءات تهدف إلى دخول المساعدات مش هنشعل الموضوع أكثر ما هو مشتعل".
وتابع الرئيس السيسي: "بوجه الشكر لكل المشاركين فى إعداد المساعدات لأهل فلسطين عاوزين ندّخل أكبر حجم من المساعدات في الظروف دي داخل القطاع فيه 2.3 مليون إنسان تحت الحصار محتاجين كل حاجة مياه وقود وأغذية وكل حاجة مستمرون في الدعم والمساندة الشعب المصري بكل طوائفه وفئاته وكل منظمات المجتمع المدني اللى فات كوم واللى جاى كوم تاني متشكر جدا متشكر جدا متشكرا جدا.. شكرا جزيلا".
