قالت الكاتبة الصحفية دينا عبد العليم،نائب رئيس تحرير "اليوم السابع"، أن هناك موروث قديم وبعيد جدا يرتبط بين المرأة والإنجاب، متابعة: "الست وظيفتها في المجتمع هي أنها تخلف بس.. هي دي الشغلانة اللى هتعملها.. وفيه كام سنة في عمرها هتقدر تخلف وتجيب لنا أطفال.. هما دول لو عدتهم يبقي ملهاش لازمة.. فيه كام حد هيقدر يستغني عن فكرة الولد".
وأضافت خلال حوارها في برنامج "الستات"، الذي يعرض على قناة النهار: "فيه حد يقدر يستغني عن فكرة الولد قدام المستوي الاجتماعي.. مفيش حد وبالمناسبة لا ست ولا راجل.. دي حاجة طبيعية.. هما مش باصين للست على اعتبار أنها جزء من المجتمع والمفروض ترسم مكانتها في المجتمع والمفروض تشتغل وتعافر وتسافر بره لو عاوزه وتعمل اسم وشخصية لها.. الفكرة القديمة أن الست من 20 لـ 35 سنة المفروض تخلف وتجيب لنا عيال وبعد كده خلاص مش مهم وليس لها أي دور".
وتابعت الكاتبة الصحفية دينا عبد العليم: "لما بنشوف حالة فيها فارق سن بنطلع مليون سؤال.. وبيكون فيه فضول كبير لمعرفة الكثير من التفاصيل بغض النظر عن التوافق بينهم.. وكمان فيه فكرة لازم تتغير وهي أن أي ست متزوجة لازم مش تكون حلوة ودي فكرة مرفوضة من حق الست الاهتمام بنفسها بعد الزواج".
