أكد الفنان عماد رشاد أنه زوج رومانسي جدا، وقال: "أنا بقول إنى عاطفى جدا وعامل الناس بالعاطفة يعاملوك بالعاطفة وأقوم بتجهيز العشاء على ضوء الشموع لزوجتى، ومستحيل هعمل كده وهي هتبقى وحشة معايا يعنى أنا بجبر بخاطر اللى أمامى، وأهم حاجة ريح مراتك وقول لها حاضر، واعمل اللى أنت عاوزه".
وأضاف عماد رشاد، خلال حلوله ضيفا مع الإعلامي د. عمرو الليثي ببرنامج "واحد من الناس": " تابعت حاجات على السوشيال ميديا صعبة أوى، نصيحتى للزوج قول حاضر، وما تجيش فى الهايفة وتتصدر، الحاجات الكبيرة تنتهي بعشاء جميل وكلمتين حلوين، ونصيحتى للشباب لما تعمل غلطة اوعى تعترف؛ لأن الست الشرقية هتفضل فاكراها ليك".
وتابع عماد رشاد، إن المرأة الشرقية صعب إنك تعترف لها، وده من المحبة وأنا مش هعترف ولا عمرى هعترف، وأنا بقالى 40 أو 45 سنة زواج؛ لأنى تزوجت وأنا صغير وزوجتى تركت التمثيل بعد سنتين من الزواج بعد ما خلفنا ياسمين، وكان قرارا خطأ، وكنت أتمنى إنها كانت ترجع تشتغل علشان كانت مركزة معايا أنا بس.
وأشار إلى أنه كان يكتب لها على أكياس الرمل فى معهد فنون مسرحية بحبك، وهى كمان كتبت لى بحبك ودى كانت البداية.
تم أضافة تعليقك سوف يظهر بعد المراجعة