تحل اليوم الثلاثاء، ذكرى ميلاد النجمة الراحلة دلال عبد العزيز، حيث أنها من مواليد 17 يناير، وتعد من أهم نجمات جيلها فكانت بارعة فى أدائها التمثيلى التى ظهرت به فى مجالات السينما والدراما والمسرح واستطاعت أن تبنى قاعدة جماهيرية كبيرة بجمالها وطيبتها وحرصها على ود أصدقائه من داخل الوسط الفنى، كما كانت حريصة على فعل الخير بشكل دائم.
وبمناسبة عيد ميلاد دلال عبد العزيز، وفى فيديو من لقاء لها في برنامج "معكم" للإعلامية منى الشاذلى، عام 21 مارس 2018 تحدثت عن عيد ميلادها وقتها وسبب تهرب زوجها سمير من الهدايا في أول سنة زواج لهما.
وقالت دلال عبد العزيز: "سمير غانم عيد ميلاده يوم 15 وأنا يوم 17 يناير الفرق يومين، فأول سنة زواج قلت أجيبله هدية واستنيت أنه يردها بعد يومين ولقيته مطنش فقلتله يا سمير النهاردة عيد ميلادى، فرد عليا وقالى شكلى وحش اوى انتى لسه جيبالى هدية واجى دلوقتى اردهالك فقلتله خلاص عندك حق شكلها مش حلو".
وتابعت دلال عبد العزيز: "فى السنة الللى بعدها قلت بقى انا مش هاديله هدية فى عيد ميلاده، عشان هو يجيبلى هدية، فتهرب برده من الهدية ولما سالته وقلتله النهاردة عيد ميلادى راح معاتبنى وقالى لو كنتى قمتى السبت كنتى لقيتى الحد، ومن وقتها لا هو بيجيبلى ولا انا بجيبله".
