أجرى تلفزيون اليوم السابع لقاء مع المطرب شريف إسماعيل، والذى تحدث عن نجاح أغنيته "سلام كبير"، كما تحدث عن بداياته فى برنامج "صوت الحياة".
وقال شريف خلال اللقاء الذى أعدته وقدمته جرمين شلبى، حول فكرة أغنية سلام كبير "اغنية سلام كبير معمولة أنها فكرة خفيفة، فأغلب الاغانى اتعملت عن محافظات لكن أغنية تضم مناطق بالقاهرة، فهذا أمر جديد، عشان كده لما اتعرضت الأغنية عليا عجبتنى الغنوة".
وعن حبه للغناء أو التلحين أيهما أكثر قال، "الغنا هو اللى طغى عليا أكتر لأن مراحل النجاح البارزة فى حياتى كانت للغناء.. الغناء هو المسيطر عليا أكتر والأساس عندى الغناء، أما التلحين فحاجة بعرف أعملها، وبحبها، لكن الغناء حاجة متمكن منها، ومسيطرة على حياتى اكتر".
وقال عن بداياته فى برنامج صوت الحياة، إنها أول مرحلة حقيقية عرفت الناس بيا، وخلت الناس تشوف شكل شريف، وهو بيغنى، صوت الحياة هو اللى قدمنى للناس، وكان بيتعرض على قناة الحياة، وبيكون كذا حد شافه.
وتابع، لكن البرنامج فى الوقت نفسه ضرنى، لأن البرنامج مطلعش تانى وده مخدمنيش، البرنامج مكملش، والقائمين على البرنامج راحوا قناة تانية، وده ضرنى وعطلت ، فعملت اول البوم ليا بعد المسابقة من المبلغ المالى اللى اخدته ".
تم أضافة تعليقك سوف يظهر بعد المراجعة