رصدت الإعلامية دينا عبد الكريم فى حلقة اليوم من برنامج "شغل عالى" الذى تقدمه على قناة "cbc"، أشهر 10 أكاذيب بيقولها الجواهرجى فى شغله، مضيفة: "علشان يحقق مبيعات أكتر، والكذبة الأولى "دى أحسن قطعه شغاله عندى"، والكذبة الثانية "المصنعية" وأحنا راضيين ندفع مصنعية لكن سعرها بيختلف من مكان لمكان لكن فى الاخر لازم يقولك الجملة الشهيرة "أنا عامل معاك واجب".
وأضافت دينا عبد الكريم: "الكذبة الثالثة اللى بيقولها الجواهرجى "لما تبيعه هتكسب فيه"، ومعظمنا بيشترى الذهب كنوع من التحويش، أما الكذبة الرابعه "دا هياكل منك حته"، أحنا متفقين أن دى مهنة اللسان الحلو والعروسة الحلوة اللى بتبقى واقفه بتختار الشبكة لازم الجواهرجى يقول لها الكلام الحلو دا".
وتابعت دينا عبد الكريم: "الكذبة الخامسة اللى بيقولها الجواهرجى، مفيش فلوس ودى غالبان بيقولها لما يكون السوق مضطرب شوية أو هتدفعله بالفيزا، ومن كلاسيكيات الجواهرجى، دى بقى الكذبة السادسة، لما هتبقى تدفع له الفلوس هيقولك "خلى عنك"، والخدعن السابعة بتكون "الموضة" ومعظم البنات بيروحوا لحاجة حد مشهور لبسها، أما الكذبة الثامن اللى بيقولها الجواهرجى، الحق "الذهب هيغلى" ودى حيلة بيقولها الجواهرجى، لاقناعك أنك تشترى دلوقتى قبل ما سعر الذهب يرتفع".
ولفتت إلى أن الكذبة التاسعة تتمثل فى الفصوص الكتير ودى طبعا بيكون شكلها حلو، بس نصف سعرها بيكون ضايع فى هذه الفصوص، أما الكذبة العاشرة بتكون استخدام لغة مش مفهومه بين الجواهرجية، علشان يقولوا لبعض أن الزبون دا معهوش فلوس.
تم أضافة تعليقك سوف يظهر بعد المراجعة