أبرز تصريحات حازم إيهاب عن قصة وفاة ابنه الرضيع ومرضه ورفضه لإجهاض زوجته

ستة أشهرونصف مرو على وفاة ابن الفنان حازم إيهاب الرضيع يونس بعد 13 يوماً فقط من ولادته، حيث وُلد الطفل بعيب خلقى في القلب، وتم وضعه في غرفة الرعاية المركزة بإحدى المستشفيات فور ولادته مباشرة، وأجرى عملية جراحية إلا أنه توفى بعد ساعات مع إجراء العملية، وسط صدمة كبيرة من حازم إيهاب والذى ظهر منهاراً في جنازة رضيعه يونس.

حازم إيهاب تحدث لأول مرة عن وفاة ابنه وقصة معرفته بوجود عيب خلقى في الجنين قبل الولادة بأشهر ورفضه إجراء عملية اجهاض، حيث روى إيهاب خلال لقاء في أحد البرامج على موقع فيس بوك ومن أبرز تصريحاته:

ابني كان متقدر له أو مكتوب له إنه هيجي يقعد معانا 13 يوم ما كنتش بنام فيهم، وهيروح للي خلقه تاني، يعني ضمن الجنة كده من غير أي حاجة".

إحنا عرفنا مشكة وجود عيب خلقى في القلب و(منة) حامل، في حد في أمريكا قالي إحنا عندنا هنا بنزله على طول، كانت في الشهر الخامس، يعني إحنا أول ما عرفنا إن هو ولد، عرفنا إن في غرفة من غرف القلب عنده مكنتش شغالة، فممكن نستنى شوية وقت وتشتغل".

الأزهر أفتى لي إن إحنا ننزله، بس أنا مكنش عندي المنطق ده، لأ أنا اللي ربنا كاتبه لابني هيشوفه، أكيد ربنا مش هيبقى عايزه يتعذب، بس أنا مكنتش هعرف أسامح نفسي، ممكن بعد ما أنزله أرجع أطارد نفسي بعدها بكام شهر، أقول طيب أفرض كنت سيبته يكمل مش جايز كان ربنا حط فيه معجزة، وكانت هتفرق بيني وبين ربنا كتير أوي، يعني كانت هتحسسني إني مبقتش واثق فيه".

لقيت تليفون جايلي أنه توفى يعني، روح بقى لف لفة تصاريح الدفن وحساب المستشفى، وطبعا من سذاجتي عشان أول مرة أكون في موقف زي ده روحت مكلم حد حجزلي قاعة عزاء وبعدين اكتشفت أنه الأطفال مبيكونش ليهم عزاء أصلا

وبرضو من سذاجتي باخد (يونس) وهو في الكفن ورايحين نصلي عليه، فإمام المسجد لقيته بيضحك وقالي (يا حبيبي إحنا بنصلي على المتوفي عشان ربنا يخفف عنه ويرحمه وكده.. فإحنا بنصلي على ده ليه؟ ده إحنا نحاول نتمحك فيه بس كده عشان يدخلنا معاه الجنة)، وراح واخده مني وحاطه مع نعش حد كان بيتصلى عليه برضو وروحنا مصليين عليه".