خلال الساعات الماضية تصدر اسم الفنانة حلا شيحة الحديث على مواقع التواصل، وانتشرت أنباء عن طلاقها من الداعية معز مسعود، بعد منشور لها على "إنستجرام" شاركته قبل أيام، وجهت فيه رسالة أثارت اهتمام رواد مواقع التواصل.
وقالت فى منشورها: "ما فيش حاجة تستاهل الزعل لازم الواحد يبقى متأكد إن مشاعره بتقوله حاجات محتاج يعرفها ـ ويفهمها ومش عيب نقول غلطنا ومش عيب نصلح أخطاءنا بس أهم حاجة ما نكملش ونعاند نفسنا".
كثيرون فسروا حديثها بتوتر العلاقة بين حلا ومعز، ومع تزايد الشائعات خرجت حلا لتوضح حقيقة انفصالها عن زوجها الداعية.
وقالت حلا شيحة: "لكل المتابعين والمحبين على صفحتى وفى الوطن العربى حابة أقولكم ما فيش أى خبر اتكتب عن معز وعنى يخص الطلاق صحيح، وكلامى فى البوست اللى فات كان كلام عام ولم أقصد بيه حد معين أبداً.. ومعز بعيد عن الكلام ده تماماً بالعكس هو سبب كبير لحاجات جميلة فى حياتى وحياة أولادى وما شفتش كتير زى أخلاقه واحترامه وعيب الكلام اللى بيتقال عن صفحات السوشيل ميديا كله مش صح أبدا ً".
وتابعت حلا شيحة: "والله فى مشاكل أكبر بكتير وحاجات أهم بكتير ممكن نتكلم فيها.. وأنا على صفحتى بحب أشارك جمهورى ساعات بمعانى بحسها وبحسهم زيى وبحب أتواصل معاهم وأبقى موجودة معاهم مش أكتر من كدة… بالنسبة لحجابى أنا قلت بحاول زيى زى بنات كتييير وأكيد مش أحسن حاجة بس أنا كدة دلوقتى والحمد لله.. وأنا مش شيخة أنا إنسانة عادية جداً ليا حسناتى وليا سيئاتى والبشر كلهم كدة فبلاش حد يزايد على حد وبدل ما نتريق أو نقول كلام مش مهم نكون متصالحين مع نفسنا ونبطل نحكم على بعض إحنا بشر مش ملايكة".
تم أضافة تعليقك سوف يظهر بعد المراجعة