"طبعًا بغير على جوزى لكن مش غيرة زائدة أو مرضية وبينا ثقة كبيرة".. هكذا تكلمت الفنانة هنادى مهنا عن حياتها الشخصية وعلاقتها بزوجها الفنان أحمد خالد صالح فى برنامج "كلمة أخيرة".
وعن شائعة الطلاق المتكررة علقت هنادى: "الموضوع بيضحك وأنا ما بقتش بتأثر بحاجة خالص خليهم زى ما هم أحسن ما يبقوا فاكرين إن إحنا كويسين فيحسدونا.. فشكرا أوى".
وكشفت هنادى مهنا أن حبها للطبخ وإعداد الطعام وتأثيره على حالتها المزاجية تسبب فى زيادة وزنها، وقالت: "لما رجعت مصر كان فيه محشى وحمام ودى حاجات ما ينفعش ما تتكلش"، وأكدت أن الضغوط على السيدات لفقدان وزنهن أمر سيئ للغاية وهو نابع من تأثير الصور على إنستجرام ومعظم الصور عليه معدلة بالفوتوشوب وغير حقيقية، وأنها كانت تتأثر وتبكى بسبب التعليقات على وزنها وشكلها خاصة بسبب التنمر على شكلها.
وحكت هنادى عن معاناتها مع اللغة العربية: "والدتى كانت فرنساوية وكان كل الكلام فى البيت بالفرنسية وأتكلم 3 لغات غير العربى وبحاول دلوقتى أتعلم أكتب عربى وبتلخبط بين الصاد والسين لكن دلوقتى بقيت أقرأ الإسكريبت بالعربى".
تم أضافة تعليقك سوف يظهر بعد المراجعة