قالت الفنانة هنادى مهنا، أنا كنت عايشة في إسبانيا، ومتعودة على الحركة كثير جدا، ولما رجعت مصر ما كانش ينفع في حاجات كثيرة ما أكلهاش، كان نفسى جدا أغنى، ولكن حصلتلى صدمة من كثرة الشغل، وأول ما رجعت من إسبانيا اشتغلت مدرسة.
وأضافت خلال لقائها ببرنامج كلمة أخيرة مع الإعلامية لميس الحديدى: بحب قوى اشتغل مش بحب أقعد في البيت، ولما اشتغلت ممثلة، وما كنتش واخدة أبدا أنى ممكن أقعد شهر اشتغل كل يوم، لكن الدنيا ما مشيتش معيا قوى.
وتابعت، قعدت سنتين اشتغل وما فيش حاجة بتتعرض أبدا، وجالى زى اكتئاب، والناس بتبعتلى أنتى بتمثلى لنفسك والموضوع كان بجد صعب جدا عليا، أنا كنت رفيعة وتخنت، أنا عملت كل أنواع الرياضة والدايت، لكن في الأخير لجأت لطبيب علشان يساعدنى أنا أساسا رجعت لشكلى الطبيعى، ورجعت ألبس ملابسى القديمة.
وأكملت: أنا حاسة انى عاوز اعمل فرح تانى لأننا حضرنا للفرح بسرعة جدا وما عملتش الحاجات اللى كنت عاوزاها بالظبط دلوقتى باخد بالى من أكلى، وبعمل رياضة طبعا، والتمثيل مالوش علاقة بالشكل خالص لكن له علاقة بالروح ، لما بزعل بيبان على وشى ولما بفرح بيبان على وشى، لكن مش بعرف أزعل فترة كبيرة، أنا بعشق المطبخ، وبتفرج على برامج طبيخ، لكن مش بأخدها زى ما هي.
تم أضافة تعليقك سوف يظهر بعد المراجعة