قالت الفنانة نادية مصطفى عضو مجلس إدارة المهن الموسيقية إن هانى شاكر قامة كبيرة فنيا وأخلاقيا، وبعض إعلان استقالته عقدنا جلسة طارئة، وكلنا رافضين الاستقالة، وكل اللى يعرفونى كلمونى انى اترجاه ان هانى يتراجع عن قراره.
وأضافت خلال مداخلة هاتفية ببرنامج كلمة أخيرة مع الإعلامية لميس الحديدى: بشكر الدكتور أشرف زكى ونقيب السينمائيين، لان نفس البيان صدر هانى شاكر لم يقصر، وكانت حالته صعبة جدا، وكانت صعبان عليه نفسه.
وتابعت: إن ما حدث بالأمس كان غير متوقع، وهو طلب أن حسن شاكوش يجى يعتذر، وعفا الله عما سلف، وكنا عاوزين اليوم ده يمر بخير وسلام، وللأسف يعنى المؤتمر رد لكرامة فنان مصري ينتهى بنهاية كل فنان على أرض مصر ، وشاكوش اعتذر، ولكن دخلنا في تفاصيل هي اللى طورت الأوضاع.
وأكملت: هانى شاكر عمره ما قصر، قعدت معاه شوية ولما سيبته وروحت البيت كلمته، وقالى أنا أحسن شوية، ولما كلمته الصبح قالى أحسن شوية، وطلبت منه أنه يرتاح، ويقرر بكره لكن اتفاجأت إنه بيعلن استقالته على الهواء، وبعد أن انتهينا من المجلس أبلغته، وهو قال مش هرجع في قرارى، والجمعية العمومية هي التي اختارت هانى شاكر وأعتقد انها تقدر تأثر عليه.
وأشارت إلى أن الشئون القانونية بتقول انه لو اتقبلت استقالته قبل 20 / 7 هيكون في مجلس جديد، ونقيب جديد ولكن لو بعد 20 / 7 هيكمل القائم بأعمال النقيب ، وهانى بقاله 7 سنين قائم بالدور ده.
تم أضافة تعليقك سوف يظهر بعد المراجعة