بطريقة غير تقليدية استطاع تطويع الخردة والمواد المعدنية لمشروعه الصغيرة عندما قرر وجدي الغزاوي 27 عامًا من محافظة الدقهلية قبل أشهر أن يجمع المخلفات الصلبة من عشرات الورش في منطقة ميت غمر، ليحولها إلى صناعة لها مكانتها من تجسيد الأشخاص وصنع التحف و"الأنتيكات" فأصبح العديد من الناس يلجأون إليه.
وخلال لقائه بكاميرا تلفزيون اليوم السابع، يتحدث الموهبة وجدي الغزاوي" وشهرته المبتكر المصري التي يمتلكها ابن محافظة الدقهلية تثير اهتمام الأشخاص المترددين على المجسمات بدلًا من اللجوء إلى الرسامين ليصنعوا لهم "بورتريه" فاختار أن يجسدهم بما يجمعه من الخردوات وعلى حد قوله: "الخردة بعمل منها تحف وأنتيكات ومجسمات، وشغلي بيكون عبارة عن تصميمات لحاجات كتير الأشخاص والأبراج والحيوانات، والناس في العادة عايزين حد يرسمهم لكن بحكم شغلي بيجولي عشان أصنع مجسم ليهم".
ويروى المبتكر المصري، بداية يومه حيث يستيقظ الشاب العشريني صباح كل يوم قاصدًا عدد كبير من المحلات التي تعمل في مجال إصلاح السيارات والموتسيكلات ليجمع عدد كبير من الخردة، موضحًا: "بنزل كل فترة والتانية عشان أجمع الخردة من الورش الصغيرة بشتري حاجات كتير من اللي بتناسب شغلي زي الصواميل والمسامير وكمان الجنازير، كل الحاجات اللي الصنايعية مش محتاجينها زي بواقي شغل العربيات الموتوسيكلات بشتريها، وكمان أي حاجة بايظة زي التروس وحداوي الأحصنة".
يؤكد وجدي خلال حديثه مع" اليوم السابع" أنه يجمع كميات كبيرة أمامه ويضعها في مساحة على هيئة "أكوام" من الحديد والنحاس وغيرها من المواد المعدنية التي تتحول في النهاية إلى أشكال مختلفة من التحف والانتيكات قائلًا: "الحاجات دي كلها بتتجمع وبحطها قدامي ومحدش بيتوقع إنها هتتحول لتحف وأنتيكات ومجسمات لأشخاص، بشكلها على يدي، وبعمل منها حاجات بتناسب ديكور المحلات والبيوت والمطاعم".
وأضاف وجدي الغزاوى: لسة مقدرتش أحقق ربح منه من بداية تنفيذي لفكرتي رغم إني بستغرق وقت في التصنيع، الأسعار مقارنة باللي بتتباع في المحلات الفخمة والمولات تعتبر بسيطة، لكن في النهاية بشتغل الحاجة اللي بحبها، دي موهبتي، قائلا" الجيران والاقارب وأصحابي فكروني مجنون علشان بشتري الخردة وبحولها لتحف فنية".
وأشار "الأسعار اللي حاططها، وأقل من الموجودة في المعارض والمحلات الخاصة بالتحف عندي بتبتدي من 50 جنيها لغاية 350 جنيهًا و500 جنيه حسب تكاليف القطعة، مثلا اللي 50 جنيها دي عبارة عن موتوسيكل لكن لو سيارة بتكون وزنها تلاته كيلو بتبقي أغلى".
واختتم حديثة أنه سوف يقوم بتصميم تمثالا بميدان محافظة الدقهلية، معتبرا أن محافظة الدقهلية محافظة منتجة وبها الكثير من الشباب الصنايعية والفنين.
تم أضافة تعليقك سوف يظهر بعد المراجعة