قدم برنامج "الستات مايعرفوش يكدبوا" المذاع عبر قناة CBC، عدة نصائح للسيدات التي تشاجرن مع أزواجهن وتركن البيت على إثر ذلك، وقالت الإعلامية إيمان عز الدين: "يا جماعة مشاكلك انتي وجوزك جواكم وماتطلعش براكم، وأكيد فيه مساحة صغيرة هاتعرفوا تتصالحوا فيها وتسامحوا بعض ولا كأن حاجة حصلت".
وتابعت إيمان عز الدين، قائلة: "المشكلة لو طلعت براكم، دي هتسخن وده هيسخن بقصد أو من غير قصد، فهيبتدي يحصل عند، ثم كره، ثم جفاء، ثم بعد.. طيب وليه كل ده".
من جانبه، قالت الإعلامية منى عبد الغني: "لو الحب شديد جدا بين الزوجين، هينسوا المشاكل، ولكن الشخص اللي بره مش هينسى، وهيفكرك كل شوية بالمشكلة علشان تسخني، وطول الوقت هيفضل متدخل في حياتكم، يبقى بلاش ده، والمفروض الست ماتخرجش من بيتها نهائي، لأن الراجل بالذات هيتعود على عدم وجودك".
أضافت منى عبد الغني: "فكرة تخرجي ترفضي، ولا تخلي هو يخرجك، وحتى لو خرجنا هنطلع الأسرار؟ انتي مسئولة عن أسرارك وأسرار جوزك، والست الشاطرة تصمت حتى تعود الأمور إلى طبيعتها".
وقالت الإعلامية إيمان عز الدين: "هي إيه موضة أنا هاخد شنطة هدومي وهروح عند صاحبتي ولا هروح عند ماما.. يا حبيبتي بيتك مايتسبش خالص بدل ما ترجعي تلاقيه متجوز واحدة تانية.. ولو زعلانة ادخلي أوضتك واقفلي على نفسك وهو هيجي يصالحك".
تم أضافة تعليقك سوف يظهر بعد المراجعة