قالت الإعلامية دينا عبد الكريم، إن مهنة الطب لها مكانة خاصة بالعالم، لأنها تهتم بسلامة كل الأشخاص الذين نحبهم، ولكن هناك بعض المواقف غير الصادقة من قبل الأطباء عند التعامل مع المرضى.
وكشفت الإعلامية دينا عبد الكريم، عن المواقف غير الصادقة للأطباء، في برنامجها "شغل عالي" المذاع عبر قناة CBC، قائلة: "الموقف الأول: لو قالك الطبيب إن علاج زميلك هايل وممتاز وامشي عليه، والتاني الدكتور يقعد يوصيك كتير ماتجبش بديل للأدوية ويقولك ماتخليش الصيدلي يديك بديل للدواء، ولكن ده في إطار الصراع القديم الأزلي بين الدكتور والصيدلي ومش عارفين هيخلص امتى".
وتابعت قائلة: "الموقف الثالث: لو قالك المريض ده مافيهوش حاجة وبيدلع عليكم شوية، والرابع: إن الدكتور علشان يطمنك يعمل حاجة هو مش عايز يعملها وأحيانا بيديلك رقم تليفونه الخاص علشان توصله في حالة الطوارئ ويقولك كلمني في أي وقت، وإحنا مش بنسيبه مكالمات وهو بيبقى مضايق جدا علشان عمل كده".
وأكملت: "الخامس.. إن يوصل العيادة في معاده، والسادس هي إن الدكتور ديما حتى لو كان مسافر بيقولك هو في مؤتمر طبي، ومش كل ما يتأخر على العيادة يقولك في مؤتمر، والسابع هو إن فيه طبيب في كل التخصصات، أما الثامن، الدكتور يقولك تعالى في المستشفى العام الصبح، والتاسع، لو انت هتعمل عملية الدكتور يقولك العملية دي بمبلغ كذا وشاملة كل التكاليف، وأخيرا لو دخلت مستشفى الصبح وسألت الدكتور.. أنت دكتور.. هيقولك لا مش أنا".
تم أضافة تعليقك سوف يظهر بعد المراجعة